კოვიდ19-ის პანდემის გამო, აშშ-ის პრეზიდენტმა ტრამპმა რესპუბლიკური პარტიის ყრილობა, რომელზეც ის პრეზიდენტობის კანდიდატად უნდა დაესახელებინათ, გააუქმა.
“ფლორიდაში პანდემიური ვითარება რთულია, ახლა არ არის შესაფერისი დრო ყრილობის გამართვისთვის,”- თქვა პრეზიდენტმა ტრამპმა პრესკონფერენციის დროს თეთრ სახლში.
როგორც ის ამბობს, 27 აგვისტოს დაგეგმილი ღონისძიება გაუქმებულია და ამ დროისთვის არ აქვს გადაწყვეტილი, რა ფორმით მიმართავს ის ამერიკის მოქალაქეებს და მხარდამჭერებს.
“მე უნდა დავიცვა ამერიკელი ხალხი. ეს არის ის, რასაც მე ყოველთვის ვაკეთებ და ამას მე ყოველთვის გავაკეთებ,”- ამბობს პრეზიდენტი ტრამპი.
თეთრ სახლში საუბრის დროს პრეზიდენტმა ტრამპმა თქვა, რომ ფლორიდაში 27 აგვისტოს მისი 10 000 მხარდამჭერი უნდა შეკრებილიყო, თუმცა უსაფრთხოებიდან გამომდინარე მან ეს გადაიფიქრა.
