სურსათის ეროვნული სააგენტოს უფროსის, ზურაბ ჩეკურაშვილის განცხადებით, პანიკის საფუძველი არ არსებობს, რადგან აფლატოქსინ M1-ის შემცველობა კრიტიკული არ არის.
“მთელი პასუხისმგებლობით ვაცხადებ, რომ არანაირი პანიკის საფუძველი არ არსებობს, უპირველესად იმის გამო, რომ აფლატოქსინ M1-ის შემცველობა კრიტიკული არ არის.
ჩვენ, 2016 წლამდე გვქონდა ძველი კანონმდებლობა, მაგრამ მას შემდეგ, რაც ჩვენ გავხდით ასოცირების წევრი და DCFTA-ის ხელშეკრულებას მოვაწერეთ ხელი, ავიღეთ მსოფლიოში არსებული აფლატოქსინ M1-ის უმაღლესი სტანდარტი 0, 05, 0,5-ის მაგივრად. ეს არის ყველაზე მკაცრი სტანდარტი, რაც შეიძლება იყოს მსოფლიოში”. – განაცხადა სეს-ის ხელმძღვანელმა იმედის ეთერში.
ცნობისთვის სოფლის ნობათის რძის პროდუქტებში აფლატოქსინ M1-ის გამოვლენის შესახებ ინფორმაცია, 3 აპრილს, თავად სურსათის ეროვნულმა სააგენტომ გაავრცელა.
