” პარლამენტში როიალი თუ იქნება და ხშირად მოვლენ კულტურის მუშაკები, უკეთესი იქნება” – ამის შესახებ საპარლამენტო უმრავლესობის წევრმა გია ვოლსკიმ პარლამენტში როიალის მიტანის შესახებ დასმული კითხვის პასუხად განაცხადა. რამდენიმე დღის წინ საპარლამენტო უმრავლესობის წევრმა ელისო ბოლქვაძემ განაცხადა, რომ უკეთესია, თუ პარლამენტის კედლებში მოცარტი და ბეტჰოვენი გაჟღერდება.
“პარლამენტში თუ იქნება როიალი, თუ იქნება საშუალება, რომ კულტურის მუშაკები, ბავშვები, ახალგაზრდები ხშირად მოდიოდნენ, რასაკვირველია, უკეთესი იქნება. როიალზე შემსრულებელიც გყვავს და საკმაოდ ნიჭიერი ხალხიცაა პარლამენტში, მათ შორის უმცირესობაშიც და თუ სხვა რამეში გამოიჩენენ ნიჭს და არა დესტრუქციაში, გაცილებით უკეთესი იქნება”-განაცხადა გია ვოლსკიმ.
