კვირას საღამოს ჩინეთის დედაქალაქის, პეკინის ხელისუფლებამ ქალაქში მოქმედი ყველა კომპანია და ბიზნესი დაავალდებულა თანამშრომლები 14 დღიან კარანტინში გაუშვან. ეს ქალაქში კორონავირუსის ახალი აფეთქების შემდეგ მოხდა. ეპიცენტრი პეკინში უმსხვილესი საბითუმო ბაზარი გახდა, რომლის ათობით თანამშრომელს კორონავირუსის დიაგნოზი დაუდასტურდა. ქალაქის მერიის წარმომადგენელმა განაცხადა, რომ პეკინისთვის საგანგებო პერიოდი დადგა. ახალ აფეთქებამდე ქალაქში რამდენიმე კვირის მანძილზე კორონავირუსით დაინფიცირების ახალი შემთხვევა არ დაფიქსირებულა.
