ფინანასთა მინისტრის, ვანო მაჭავარიანის განცხადებით პენსია ყოველ წელს მინიმუმ 20-25 ლარით გაიზრდება.
მისი თქმით, 70 წლამდე პენსიონერების პენსიის ზრდა ინფლაციის გათვალისწინებით მოხდება.
” მინდა შეგახსენოთ, რომ საქართველოს ისტორიაში ერთ მოცემულ წელს პრაქტიკულად არასდროს ყოფილა, რომ პენსია 20 ლარზე მეტით გაზრდილიყო. იყო წლები, როდესაც იზრდებოდა 20 ლარით ან საერთოდ არ იზრდებოდა. და იყო იმისდა მიხედვით, რომელი ხელისუფლება და რომელი მთავრობა რას წყვეტდა”, — თქვა მაჭავარიანმა.
მისივე განმარტებით, დაწესებული იქნება ქვედა ზღვარი. 70 წლამდე მოქალაქეებისთვის პენსია მინიმუმ 20 ლარით გაიზრდება, ხოლო 70 წელზე ზემოთ პენსიონერების — მინიმუმ 25 ლარით.
