პესიმისტური და ოპტიმისტური სცენარები:სამხედრო ექსპერტი უკრაინის გამარჯვების ვარიანტების შესახებ

რუსეთზე უკრაინის გამარჯვება ორი სცენარით შეიძლება მოხდეს – პესიმისტურით და ოპტიმისტურით. ასეთი მოსაზრება გამოთქვა სამხედრო ექსპერტმა ოლეგ ჟდანოვმა მის იუთუბ არხზე.

“დღეისათვის გამარჯვების ორი სცენარის წარმოდგენაა შესაძლებელი. ერთი – პესიმისტური, მეორე – ოპტიმისტური. პესიმისტური ცენარია ასეთია: უკრაინა გადის 24 თებერვლამდე არსებულ გამოყფ საზღვრებზე. ამ შემთხვევაში რუსეთი შეძლებს სახის შენარჩუნებას და მოლაპარაკების მაგიდასთან დაჯდომით ტაიმაუტს მიიღებს, რათა ახალი არმია მოამზადოს და ისევ შემოგვიტიოს ომის გზით. ანუ, ეს იქნება უბრალოდ გადავადებული ომი. ოპტიმისტური სცენარი – 1991 წლის საზღვრებზე გასვლაა. სხვათა შორის, ორივე სცენარში საბრძოლო მოქმედებების შეჩერება ან ჯარების წინსვლის შეჩერება ჩვენი ტერიტორიების გასათავისუფლებლად, შეიძლება ორი გზით დასრულდეს.

პირველი – მოლაპარაკების პროცესი ცეცეხლის შეწყვეტასთან ერთად. მეორე– მოლაპარაკების პროცესი ცეცხლის შეწყვეტის გარეშე, როგორც ეს 2014 წლიდან მოყოლებული, 8 წლის განმავლობაში იყო. ასეთი ვარიანტი არ არის გამორიცხული. ამასთან, ოპტიმისტურ და პესიმისტურ სცენარებშიც ამ ვარიანტის არსებობა შესაძლებელია“– პროგნოზირებს ჟდანოვი.

ის ხაზს უსვამს, რომ ეს ყველაფერი იმ პირობებშია შესაძლებელი, თუ უკრაინის შეიარაღებული ძალების 24 თებერვლისთვის არსებულ საზღვრებზე გასვლის, ან 1991 წლის მდგომარეობით არსებული სახელმწიფო საზღვრების დაკავების მომენტისთვის ხელისუფლებაში ვლადიმერ პუტინი და მისი გარემოცვა დარჩება.

“თუ პუტინი ძალაუფლებას ინარჩუნებს, არაფერი არ ხდება, ის ცოცხალი და ჯანმრთელია და კვლავ მართავს რუსეთს, მაშინ მოვლენათა ასეთი განვითარება სრულიად რეალური და შესაძლებელია. თუ რუსეთის ხელისუფლებაში რაღაც ხდება და პოლიტიკური ხელმძღვანელობა იცვლება, ასეთ შემთხვევაში დასავლეთი მხოლოდ ერთ სცენარს განიხილავს – 1991 წლის საზღვრებზე გასვლას და რაიმე სამშვიდობო ხელშეკრულების ხელმოწერას ორი სახელმწიფოს თანაარსებობის შესახებ“ – ამბობს სამხედრო ექსპერტი.

ჟდანოვი ამბობს, რომ დასავლეთი განიხილავს ვარიანტს, რომელშიც უკრაინა რუსეთის სამხედრო მანქანის მთავარი შემაკავებელი ძალა უნდა გახდეს.

“ამის გაკეთება კი მხოლოდ იმ შემთხვევაშია შესაძლებელი, თუ რუსეთს არ მიეცემა საშუალება რამენაირი, თუნდაც მცირე გამარჯვება, ან სტატუს ქვო გაიფორმოს. სტატუს ქვო – ეს იქნება 24 თებერვლისთვის არსებულ საზღვრებზე გასვლა. ასეთ შემთხვევაში დასავლეთი ფაქტიურად აგებს, მაგრამ დასავლეთი დღეს არ აპირებს წაგებას“– ამბობს ჟდანოვი.

მისი თქმით, დასავლეთს ჯერ კიდევ წინ აქვს რუსეთის ბირთვული არსენალის საკითხის გადაწყვეტა, რადგან ამ საკითხის გადაწყვეტის გარეშე გარკვეული დროის შემდეგ შესაძლოა ყველაფერი თავიდან გამეორდეს.