პრეზიდენტის გადაწყვეტილებით, იუსტიციის უმაღლეს საბჭოში ანა დოლიძეს თამარ ღვამიჩავა შეცვლის

საქართველოს პრეზიდენტმა იუსტიციის უმაღლესი საბჭოს წევრად ანა დოლიძის ნაცვლად თამარ ღვამიჩავა წარადგინა. პრეზიდენტმა შესაბამისი განკარგულება გამოსცა.

ღვამიჩავა იუსტიციის უმაღლესი საბჭოს არამოსამართლე წევრის თანამდებობაზე 2020 წლის 22 ივლისიდან, 4 წლის ვადით იქნება.

ანა დოლიძემ იუსტიციის უმაღლესი საბჭო ვადის გასვლამდე, 22 ივნისს დატოვა.

იუსტიციის უმაღლესი საბჭოს უკვე ყოფილმა წევრმა, ანა დოლიძემ პოლიტიკური პლატფორმა პარლამენტის დამოუკიდებელ დეპუტატ ლევან კობერიძესთან, ალეკო ელისაშვილთან და მის თანაგუნდელ ლევან იოსელიანთან ერთად შექმნა.