იმედგაცრუებული ვარ, რადგან ვლადიმირთან ძალიან კარგი ურთიერთობა მქონდა. ალბათ ახლაც მაქვს. არ ვიცი, რატომ აგრძელებს ამ ომს. ეს ომი მისთვის ძალიან ცუდი გამოდგა. ის უკვე ოთხი წელია ომშია, ომში, რომელიც ერთ კვირაში უნდა მოეგო. ახლა კი უკვე მეოთხე წელს უახლოვდება. მან დაახლოებით მილიონ-ნახევარი ჯარისკაცი დაკარგა. მით უმეტეს, როცა დაითვლი დაჭრილებს, ხელ-ფეხ დაკარგულებს და იმ საშინელ რამეებს, რაც ომში ხდება. ეს საშინელი ომია.
[…] მან ნამდვილად უნდა დაასრულოს ეს ომი. იცით, რომ ახლა რუსეთში ბენზინის რიგებია ხომ? გრძელი რიგები აქვთ. ვინ იფიქრებდა, რომ ასე მოხდებოდა? მისი ეკონომიკა უცებ დაეცემა. მე მინდა, რომ მას საქმე კარგად წაუვიდეს. მინდა ვთქვა, რომ ვლადიმირ პუტინთან ძალიან კარგი ურთიერთობა მქონდა, მაგრამ მას უბრალოდ არ უნდა ამ ომის დასრულება. ვფიქრობ, ეს მას ძალიან ცუდად აჩენს. მას ომის დასრულება სწრაფად შეუძლია.
უნდა ვთქვა, რომ პატივს ვცემ უკრაინას, რადგან ვინ იფიქრებდა, რომ უკრაინა რუსეთის წინააღმდეგ თითქმის თანაბრად ბრძოლას ოთხი წლის განმავლობაში შეძლებდა?
