პოლკოვნიკი სერგეი გრაბსკი RBC-Ukraine- თან ინტერვიუში განმარტავს, რატომ არის ახლა შეუძლებელი მარიუპოლის სამხედრო გზით დებლოკირება.
მისი თქმით, ძნელია სამხედრო კოლონის მარიუპოლში ფარულად წინსვლა, მტერს კი შეუძლია თავდასხმა თვითმფრინავებით, არტილერიითა და რაკეტებით.
„ჩვენ ვსაუბრობთ ქალაქში გარღვევაზე და ქალაქში საომარი მოქმედებების წარმოებაზე და ეს არის აბსოლუტურად რთული.
ჩვენ ვრისკავთ, რომ მარიუპოლის ჩვენს გმირ დამცველებს დავუმატოთ ათასობით ჩვენი ჯარისკაცი, რომლებიც შეიძლება უბრალოდ ხაფანგში მოხვდნენ და ჩაერთონ ქუჩის ბრძოლებში, როდესაც ისინი ეცდებიან აზოვსტალამდე გარღვევას”,– აცხადებს გრაბსკი.
ექსპერტი აღნიშნავს, რომ მებრძოლების ევაკუაცია მოითხოვს დიდ რაოდენობით დამატებით სახსრებს, მათ შორის, 600-მდე დაჭრილის გამოსაყვანად საჭიროა მინიმუმ 500 ცარიელი მანქანის მიყვანა.
“ეს იქნება მთელი სამედიცინო კოლონა, ანუ კოლონა რამდენჯერმე იზრდება. და ისინი როგორმე უნდა ჩავიდნენ მარიუპოლში”, – ამბობს სამხედრო ექსპერტი.
