“რა სანატრელია ახლა ,,მიშას ციხე”! უსასტიკესად, წამებაში უნდა ამოხდეთ სული ამ ვანდალიზმის ჩამდენებს “- ამის შესახებ ადვოკატი მარიამ კუბლაშვილი სოციალურ ქსელში წერს.
“რა სანატრელია ახლა ,,მიშას ციხე”! უსასტიკესად, წამებაში უნდა ამოხდეთ სული ამ ვანდალიზმის ჩამდენებს. დღევანდელი პირობები კურორტია მსგავსი სასტიკი დამნაშავეებისთვის სასჯელის მოსახდელად! სადისტების გამზრდელმა მშობლებმა სიცოცხლე რა სინდისით უნდა გააგრძელონ, როგორ უნდა გაბედონ და იბრძოლონ მათი თავისუფლებისთვის? ! ყველა ის პირი, ვინც არ ითანამშრომლებს გამოძიებასთან უმკაცრესად უნდა დაისაჯოს! სად არის გოგონას მშობლები, ამ პანდემიური აკრძალვების დროს 50 კაცი დაქირავებულ ვილაში რომ შეკრიბა და დააფინანსა? გასათვალისწინებელია ახალგაზრდების ასაკი, მათი ნაცნობობა ან უცნობობა.., მათი საერთო ინტერესები თუ… ? უფრო მეტად სასტიკია მკვლელი/ ები, რომელიც 4 დღე სამძებრო სამუშაოებს შორიდან უყურებდა! ყველა ის ახალგაზრდა, რომელიც დუმდა მთელი ამ ხნის განმავლობაში. უბედური დედის ლამაზი, კეთილი, მშრომელი, სპორტსმენი შვილის ნაცემ სხეულს 4 დღე მდინარე დაათრევდა! ყველა ვინც დუმდა, პოტენციური მკვლელია, ვინც შეესწრო კონფლიქტს, მანქანების დევნას, მის დენად ხასიათს და არ შეატყობინა პოლიციას – თანამონაწილეა!
ვეღარ ვიკავებ თავს. ღმერთო, გასკდა გული!!!!!!!!! როგორი შვილი მოუკვდა დედას, საქართველოს…”- წერს მარიამ კუბლაშვილი.
შეგახსენებთ, რომ გიორგი შაქარაშვილის კვალი 19 ივნისს, ღამით, თბილისი-სენაკი-ლესელიძის საავტომობილო გზაზე, მდინარე არაგვზე მდებარე ხიდის სიახლოვეს დაიკარგა, მისი ცხედარი 4-დღიანი სამაშველო სამუშაოების შედეგად მდინარის კალაპოტში იპოვეს. შინაგან საქმეთა სამინისტრო საქმეს თავისუფლების უკანონოდ აღკვეთისა და ძალადობის მუხლებით იძებს. შს მინისტრის მოადგილემ, ვლადიმერ ბორცვაძემ 23 ივნისს განაცხადა, რომ სისხლისსამართლებრივი დევნა არავის მიმართ არ დაწყებულა.
