მთავარი არხის ინფორმაციით, მომღერალ გია სურამელაშვილს გუშინ ღამით პოლიციასთან შელაპარაკება მოუვიდა, რის შემდეგაც სავარაუდოდ ის დააკავეს. არხის ცნობით, ინციდენტი რესტორნის დაჯარიმებას მოჰყვა. 1500 ლარით რესტორანი რეკომენდაციების დაუცველობის გამო დააჯარიმეს.
სოსო კავკავაშილი ამბობს, რომ 2 ადამიანი ნამდვილად დააკავეს, თუმცა არ აკონკრეტებს, მათგან ერთ–ერთი იყო თუ არა გია სურამელაშვილი. მისი თქმით, მომღერალი პოლიციასთან პოლემიკაში შევიდა, შემდეგ კი რამდენიმე პირი ადმინისტრაციულ სამართალდარღვევაზე დააკავეს.
ერთ–ერთი თვითმხილველის ცნობით, ეს ინციდენტი დილის 6 საათზე მოხდა.
