რუსმა სამხედროებმა დაბომბეს ქვედანაყოფი, რომელშიც ე.წ. “დონეცკის სახალხო რესპუბლიკის სახალხო მილიციის“ წარმომადგენლები შედიოდნენ.
ამის შესახებ მეტყველებს უკრაინის შეიარაღებული ძალების მიერ გამოქვეყნებული ოკუპანტების სატელეფონო საუბარი.
“ლაწირაკები სადღაც ბერდიანსკთან იდგნენ. არც ხელფასს იღებდნენ…. არც არაფერს…როგორც მივხვდი, წესიერად არც აჭმევდნენ. მერე სადღაც წინა ხაზზე გაუშვეს. იდგნენ ჩუმად, იდგნენ, წყნარად იყვნენ, დაიწყეს უკან დახევა… რუსებს გადააწყდნენ და რუსებმა დედა მ@@@@ნეს… ესეც შენი არმია, წარმოიდგინე“– ამბობს ჩანაწერში “დონეცკის სახალხო რესპუბლიკის“ ერთი ბოევიკი, რომლის მობილიზაცია ასევე მოახდინა რუსეთმა უკრაინასთან საბრძოლველად.
ქვედანაყოფი, რომელზეც ის სატელეფონო საუბარში ყვება, ე.წ. დონეცკის სახალხო მილიციის საარმიო კორპუსის 2–ე ბატალიონია, რომელიც რუსეთის არმიის შემადგენლობაში იბრძვის.
რუსი ოკუპანტები ცდილობდნენ ეს ინციდენტი საიდუმლოდ დარჩენილიყო. თუმცა , დონეცკში და ლუგანსკში მობილიზებულები ისედაც ხვდებიან, რომ მათ საზარბაზნე ხორცად იყენებენ.
