რუსეთის პრემიერ-მინისტრ მიხაილ მიშუსტინს კორონავირუსი დაუდასტურდა. ინფორმაციას რუსული მედია ავრცელებს.
მათი ინფორმაციით, ინფიცირების შესახებ მიშუსტინმა რუსეთის პრეზიდენტს, ვლადიმერ პუტინს აცნობა. მიშუსტინის განცხადებით, იზოლაციაში გადადის.
მან პუტინს თავის მოვალეობის დროებით შემსრულებლად ანდრეი ბელუსოვი შესთავაზა და განუცხადა, რომ მთავრობა აქტიურ მუშაობას გააგრძელებს.
პუტინი ბელუსოვის დროებით დანიშვნას დაეთანხმა და მიშუსტინს გამოჯანმრთელება უსურვა.
რუსეთში ამ დროისთვის COVID-19-ით ინფიცირების 106 498 შემთხვევა ფიქსირდება, მათგან 1073 გარდაიცვალა, ხოლო 11 619 გამოჯანმრთელდა.
