რუსეთი აცხადებს, რომ “აზოვსტალიდან” მშვიდობიანი მოქალაქეების გამოსასვლელად მათი ჯარისკაცების სამხედრო მოქმედებებს შეაჩერებენ. შესაბამის ინფორმაციას, რუსეთის თავდაცვის სამინისტრო ავრცელებს. განცხადებაში ვკითხულობთ, რომ დღეს 25 აპრილს, მოსკოვის დროით 14:00 საათიდან ცალმხრივად წყვეტენ საომარ მოქმედებებს.
“რუსეთის ფედერაციის შეიარაღებული ძალები და დონეცკის სახალხო რესპუბლიკის ფორმირებები 2022 წლის 25 აპრილს 14:00 საათიდან (მოსკოვის დროით) ცალმხრივად წყვეტენ საომარ მოქმედებებს, დანაყოფები გაყვანილია უსაფრთხო დისტანციაზე და უზრუნველყოფენ გაყვანას. მოქალაქეთა მითითებულ კატეგორიას მათ მიერ არჩეული ნებისმიერი მიმართულებით”, – ნათქვამია განცხადებაში.
