რუსული გამოცემა კომერსანტი წერს, რომ 2023 წლის იანვარ-მაისში რუსეთში ღვინის მიწოდებით საქართველო პირველ ადგილზეა. საქართველომ ამ მონაცემებში იტალიას გადაუსწრო.
2023 წლის პირველ ხუთ თვის მონაცემებით, ექსპორტი 63%-ით გაიზარდა და საქართველოდან რუსეთში 24,15 მლნ ლიტრი ღვინო შევიდა, რის საფუძველზეც ქვეყანამ პირველი ადგილი დაიკავა ექსპორტიორებს შორის და იტალიას გადაუსწრო. იტალიიდან ექსპორტი 32%-ით გაიზარდა და რუსეთში 23.36 მლნ ლიტრი ღვინო შევიდა. შედეგად, ჯამში მთლიან მოცულობაში საქართველოს წილმა 19.1%-ს მიაღწია, იტალიისამ 18,5%-ს.
ღვინის სავაჭრო კომპანია Fort-ის აღმასრულებელი დირექტორი ალექსანდრე ლიპილინი ამბობს, რომ იმპორტმა საქართველოდან 2022 წლის ბოლოს დაიწყო ზრდა გადახდისა და ლოგისტიკის პრობლემების არარსებობის გამო.
