“რუსთავისთვის არის ახალი გამოწვევა, რომ საკრებულოში არ გვყავს უმრავლესობა, მაგრამ არ ვუშინდებით” – ამის შესახებ „ქართული ოცნების” მერობის კანდიდატმა, ნინო ლაცაბიძემ განაცხადა.
„ამ გამოწვევას დავძლევთ. პირიქით, ძალიან კარგი შესაძლებლობა აქვს ოპოზიციურ პარტიებს და იმ ადამიანებს, რომლებიც არიან ოპოზიციური ხმებით წარმოდგენილი საკრებულოში, აკეთონ საქმე, საქმის კეთებაზე გადავიდეთ. აქამდე თუ იყო მხოლოდ კრიტიკა, ახლა ეძლევათ შესაძლებლობა აკეთონ საქმე და ჩაერთონ ქალაქის განვითარებაში და საკუთარი წვლილი შეიტანონ. რუსთავში, გუშინ გაიმარჯვა მეგობრობამ, გაიმარჯვა ღირსებამ, ერთიანობამ და სურვილმა, რომ ჩვენი ქალაქი გახდეს უკეთესი. მე დარწმუნებული ვარ, თითოეულ პროექტს, ჩვენ რაზეც ვსაუბრობდით წარმატებით განვახორციელებთ. რა თქმა უნდა, ველოდით ღირსეულ გამარჯვებას და ამისთვის ყველაფერს ვაკეთებდით, როგორც პირველ ტურში, ასევე მეორე ტურის განმავლობაში. მინდა მადლობა ვუთხრა თითოეულ რუსთაველს, იმ მხარდაჭერისთვის, რომელიც ერთი წლის განმავლობაში უკვე მეორედ გამომიცხადეს. მადლობა მინდა ვუთხრა ჩვენი გუნდის თითოეულ წევრს ღირსეული შრომისთვის და გვერდში დგომისთვის. იცით, რომ საკრებულოში არ გვაქვს უმრავლესობა და ეს იქნება ჩვენი ერთ-ერთი გამოწვევა, რაზეც უნდა ვიმუშაოთ და რუსთავმა დავამტკიცოთ, რომ ჩვენ ყველამ ერთად ხმა მივცეთ და მხარი დავუჭიროთ ქალაქის განვითარებას“, – აცხადებს ნინო ლაცაბიძე.
