უკრაინის თავდაცვის სამინისტროს მთავარი სადაზვერვო სამსახურის ინფორმაციით, რუსული სპეცრაზმის ნაწილმა მარიუპოლში ბრძოლაზე უარი თქვა.
“რუსული სპეცრაზმის ნაწილმა, რომელსაც გამოცდილება აქვს სირიაში საომარ მოქმედებებში, სრულად თქვა უარი მარიუპოლის შტურმის შემდგომ მცდელობებში მონაწილეობაზე. 2-დან 4 აპრილამდე შეიარაღებული ძალების წინააღმდეგ გამართულ ბრძოლებში ამ ქვედანაყოფმა 30-მდე სამხედრო მოსამსახურე დაკარგა. ამიტომ, სპეცრაზმმა გადაწყვიტა, სამომავლოდ არ ეცადათ ბედი”,– წერს უკრაინის დაზვერვა.
მათივე ცნობით, რუსეთში სამხედრო სამსახურის შერჩევის ბოლო მონაცემები მიუთითებს, რომ რუსებს დაბალი ინტერესი აქვთ საკონტრაქტო სამსახურის მიმართ.
“ქალაქ ეკატერინბურგში რეკრუტირების შედეგების შესახებ მოხსენების თანახმად, რეზერვში მყოფი მოქალაქეების 1%-ზე ნაკლები დათანხმდა ხელშეკრულების გაფორმების შესაძლებლობაზე”,– აცხადებს დაზვერვა.
