საბერძნეთში აღდგომის დღესასწაულზე ხალხის სახლში დარჩენას 52 000 პოლიციელი, ვერტმფრენები და დრონები გააკონტროლებენ. მსგავსი უპრეცენდენტო მობილიზიაცია ქვეყანაში 2004 წლის ოლიმპიური თამაშების შემდეგ არ ყოფილა.
ქვეყანაში გამოცხადებული კარანტინის პირობებში აღდგომის ლიტურგიაზე დასწრება და საოჯახო შეკრებები მკაცრადაა აკრძალული.
მთავრობა ხალხს მოუწოდებს, რომ ეკლესიაში წასვლა კორონავირუსის მასშტაბურ გავრცელებას შეუწყობს ხელს.
ქვეყნის პოლიციის ხელმძღვანელი, სტავროს ბალსაკასის თქმით, ხალხი სახლებიდან არ უნდა გამოვიდეს.
,,განსაკუთრებით კვირას (აღდგომის დღეს) ხალხი სახლებიდან არ უნდა გამოვიდეს”, – ამბობს პოლიციის ხელმძღვანელი სტავროს ბალასკასი.
ბალასკასის განცხადებით, სამართალდამცველებისთვის განსაკუთრებით რთული იქნება ხალხის დამორჩილება, რათა არ დატოვონ სახლები, – ,,ამიტომ მოვიწოდებ საზოგადოებას, უფრო ნუ გაურთულებენ პოლიციას საქმეს”.
ბოლო მონაცემებით, საბერძნეთში COVID-19-ის 2192 დადასტურებული შემთხვევაა, მათგან 102 გარდაიცვალა, 269 გამოჯანმრთელდა.
