სამოქალაქო მოძრაობის ლიდერის, ალეკო ელისაშვილის განცხადებით, სადაც კანდიდატურას დააყენებენ, იქ მოიგებენ, კანდიდატის შეთანხმებას კი არცერთ პოლიტიკურ ძალასთან არ აპირებენ.
“ჩვენ სადაც დავაყენებთ კანდიდატურას, იქ მოვიგებთ აუცილებლად. და ჩვენ სად დავდგებით და სად დავაყენებთ კანდიდატურას, ამას არც სააკაშვილს შევეკითხებით, არც გიგა ბოკერიას, ჩემო ბატონო და ბიშინა ივანიშვილისთვის საერთოდ არაფრის კითხვას ვაპირებთ.
არავის ოპოზიციაში არ ვართ, ჩვენ ვართ ჯანსაღი ალტერნატივა, ის სუფთა წარსულის ხალხი, რომელიც დგას შუაში”,– ამბობს ელისაშვილი ტვ პირველზე.
მან თბილისის მაჟორიტარობის კანდიდატები გიორგი ვაშაძისა და ნიკა მელიას შანსებიც შეაფასა. ელისაშვილი აზრით, გიორგი ვაშაძეს ისნის ოლქში დავით ჭიჭინაძე აჯობებს.
“გიორგი ვაშაძე რომ ისანში ვერ მოიგებს, ეს არის დღესავით ნათელი. თუ გინდათ, დავნიძლავდეთ, ვინ მოიგებს ისანში, დავით ჭიჭინაძე ათი თავით აჯობებს და მაშინ რატომ უყენებენ და რატომ აკეთებენ ასეთ რაღაცებს”,–ამობობს სამოქალაქო მოძრაობის ლიდერი.
მისივე შეფასებით, ნიკა მელია “შუბლით გაანგრევს გლდანს”.
“თუ აყენებ კანდიდატურას, ისეთი მებრძოლი უნდა [დააყენო]. ნიკა მელიაზე ხომ არაფერს ვამბობ, არა? შუბლით გაანგრევს იმ გლდანს …
მიუხედავად იმისა, რომ ვერ ვიტან ნაციონალურ მოძრაობას, არის ვაჟკაცი ბიჭი და მხარს ვუჭერ ღიად, იმიტომ რომ არის მებრძოლი ბიჭი. ნიკა მელია რა შედეგს დადებს, აგერ ვნახავთ. ხაბეიშვილიც მაგარი დაქოქილია და მის შედეგსაც ვნახავთ”,– განაცხადა ალეკო ელისაშვილმა.
