“ძვირფასო უკრაინელებო! 72-საათიანი წინააღმდეგობა. სამი დღე, რომელმაც სამუდამოდ შეცვალა ჩვენი ქვეყანა და მსოფლიო. სად არიან ისინი, ვინც კიევის აღებას 72 საათში გვპირდებოდა? Სად არიან? მე მათ ვერ ვხედავ. მხოლოდ მესმის, როგორ იმართლებენ თავს. სამაგიეროდ, ვხედავ გმირულ არმიას, გამარჯვებულ მცველებს, უშიშარ მესაზღვრეებს, თავდადებულ მაშველებს, საიმედო პოლიციელებს, დაუღალავ სამედიცინო ანგელოზებს. ყველას, ვინც თავის საქმეს აკეთებს.
მე ვხედავ ათასობით მოქალაქეს, რომლებმაც აიღეს იარაღი, შეუერთდნენ ტერიტორიული თავდაცვის რიგებს და იბრძვიან შვილებისა და შვილიშვილების მომავლისთვის, მათთვის, ვინც უყვართ, მათი წინაპრების ხსოვნისთვის, მათი სახელმწიფოსთვის. ყველა გხედავთ, მთელი მსოფლიო!
წინ ჯერ კიდევ ბევრი გამოწვევაა, მაგრამ ახლა მხოლოდ ჩვენ არ ვართ, ვისაც ჩვენი გამარჯვების სჯერა. მიმოიხედეთ, ბევრმა საბოლოოდ დაძლია შიში და გაბედა კრემლის გამოწვევა. ყოველ საათში სულ უფრო მეტი ადამიანი ხვდება, რომ ასეთი ჯარი ევროპაში არსად არსებობს და რომ ამ არმიისა და ჩვენი ხალხის გარეშე ევროპა არასოდეს იქნება უსაფრთხო. ჩვენ გარეშე ევროპა უბრალოდ არ იარსებებს. ამიტომ ახლა დახმარებას ვიღებთ, რაც სამი დღის წინ შეუძლებელი იყო.
სიბნელე უკან დაიხევს, განთიადი ახლოვდება. შევინარჩუნოთ სისტემა. დიდება უკრაინას! დიდება უკრაინის გმირებს!”
მიმართავს უკრაინის თავდაცვის მინისტრო ოლექსი რეზნიკოვი უკრაინელ ხალხს.
