გარდაცვლილი 23 წლის პროგრამისტის, თამარ ბაჩალიაშვილის ოჯახის ადვოკატის თქმით, ბაჩალიაშვილის ანგარიშზე თანხა სახელფასო ტრანზაქციებით მოხვდა.
“მისი ხელფასებიდან ტრანზაქციები განხორციელებულია, იგი აგროვებდა თანხას, რომ სასწავლებლად საზღვარგარეთ წასულიყო. საუბრები იყო, რომ ვითომ ჩარიცხულია დიდი რაოდენობის თანხა, ეს სიმართლეს არ შეესაბამება. როგორც ექსპერტიზით დამტკიცა, ფურცელზე წარწა თამარისია, მაგრამ, გამოსაკვლევია, როდის დაიწერა. ყველა საგამოძიებო მოქმედება დაჩქარებული წესით უნდა განხორციელდეს”, — ამბობს მიხეილ რამიშვილი.
კომპანია ზეგის დირექტორის ინფორმაციით, ბაჩალიაშვილის ხელფასი 4500 ლარი იყო.
23 წლის თამარ ბაჩალიაშვილი ხუთდღიანი ძებნის შემდეგ სამართალდამცველებმა 22 ივლისს, თეთრიწყაროს ტყეში, საკუთარ მანქანაში გარდაცვლილი იპოვეს.
საქმეზე გამოძიება 115-ე და 143-ე მუხლებით მიმდინარეობს, რაც თვითმკვლელობამდე მიყვანასა და თავისუფლების უკანონო აღკვეთას ითვალისწინებს.
