ევროკავშირი-საქართველოს ასოცირების საპარლამენტო კომიტეტის თანათავმჯდომარე, მარინა კალიურანდი და საქართველოს საკითხებზე თანამომხსენებელი, სვენ მიკსერი საკონსტიტუციო ცვლილებების მიღებას ერთობლივი განცხადებით ეხმაურებიან. ევროპარლამენტარების თქმით, ეს დემოკრატიის განვითარების საკვანძო მოვლენაა.
„ცვლილებებს მესამე და ბოლო მოსმენაზე 150-დან 117 დეპუტატმა მისცა ხმა. ეს საქართველოს დემოკრატიული ცხოვრების განვითარების საკვანძო მოვლენაა. იმედი გვაქვს, რომ ეს პოზიტიური იმპულსი შენარჩუნდება და გაგრძელდება 1 და 2 ივლისს საარჩევნო რეფორმის კენჭისყრის დროსაც, რომელიც ეუთო/ოდირი-ს რეკომენდაციებს მოიცავს,“- წერია განცხადებაში.
ევრპარლამენტარები პოლიტიკურ პარტიების საარჩევნო რეფორმის კენჭისყრაში მონაწილეობისკენ მოუწოდებენ.
“ჩვენ მოვუწოდებთ ყველა მთავარ პოლიტიკურ პარტიას, მიიღოს მონაწილება კენჭისყრაში 8 მარტს შეთანხმების სულისკვეთებით და ხელი შეუწყოს საქართველოში პოლიტიკური გარემოს დეპოლარიზაციას”, – აცხადებენ ევროპარლამენტარები.
საქართველოს პარლამენტმა გუშინ, 29 ივნისს მიიღო საკონსტიტუციო ცვლილებები, რომლის მიხედვით 2020 წლის არჩევნები 120/30 სისტემით ჩატარდება.
