დაავადებათა კონტროლის ცენტრის დირექტორის ამირან გამყრელიძის განცხადებით, საკოორდინაციო საბჭოს დღევანდელ სხდომაზე კომენდანტის საათის მოხსნა განიხილეს, თუმცა საჭიროდ არ ჩათვალეს.
“დღევანდელ შეხვედრაზე იყო საუბარი [კომენდანტის საათის მოხსნაზე] და მოგეხსენებათ, რომ ერთდროულად ამდენი შემსუბუქება არ არის სასურველი. თითოეული შემსუბუქების შემდეგ უნდა დავაკვირდეთ 1-2 კვირა და შემდეგ მივიღოთ შემდგომი შემსუბუქების გადაწყვეტილება. ამ ეტაპზე დღეს არ ჩაითვალა [საჭიროდ]. ალბათ, თუ ჩვენ ამ ჩარჩოებში ეპიდსიტუაცია შევინარჩუნეთ, ეს საკითხიც დადგება”, – განაცხადა გამყრელიძემ.
