აშშ-ის პრეზიდენტის მრჩეველი უსაფრთხოების საკითხებში, ჯეიკ სალივანი აცხადებს, რომ ყველა ვინც, რუსეთს სანქციების თავიდან არიდებაში ეხმარება, აშშ-ის სამიზნე გახდება.
- “ვფიქრობ, მომდევნო 1-2 კვირის განმავლობაში მივიღებთ ინფორმაციას იმ სუბიექტების შესახებ, რომლებიც ცდილობენ, რუსეთს დაეხმარონ სანქციების თავიდან არიდებაში, როგორც რუსეთის ფედერაციის შიგნით, ასევე მის ფარგლებს გარეთ. ისინი გახდებიან ჩვენი სამიზნეები”, – აცხადებს სალივანი.
აშშ-ის პრეზიდენტის მრჩეველი უსაფრთხოების საკითხებში ასევე აღნიშნავს, რომ რუსეთის ნებისმიერმა მცდელობა, ხელი შეუშალოს უკრაინისთვის იარაღის მიწოდებას, შესაძლოა, დასავლეთთან დაპირისპირება გამოიწვიოს.
- “აშშ უკრაინის ტერიტორიაზე არ მოქმედებს. თუ რუსები, განახორციელებენ დარტყმას ნატო-ს ტერიტორიაზე, სადაც აღჭურვილობა გროვდება, ეს ალიანსის მე-5 მუხლის ამოქმედებას გამოიწვევს და თამაშის წესებს მთლიანად შეცვლის”, – თქვა ჯეიკ სალივანმა.
