სალომე ზურაბიშვილმა საქართველოს პრეზიდენტის დროშა დაამტკიცა.
“საქართველოს პრეზიდენტის დროშა არის კვადრატული ფორმის თეთრი ალამი. ალმის შუაგულში მოთავსებულია საქართველოს მცირე სახელმწიფო გერბის ფარი, რომლის მეწამულ ველზე გამოსახულია ოქროს ჯვრით დაბოლოებული ვერცხლის შუბით ვერცხლის გველეშაპის განმგმირავი ვერცხლის მხედარი — წმინდა გიორგი ოქროს შარავანდედით. საქართველოს პრეზიდენტის დროშას შემოვლებული აქვს წითელი არშია წითელი კუწუბებით შიგნითა მხრიდან”, — წერია მაცნეზე, ბრძანებულების დანართში.
ბრძანებულება საკანონმდებლო მაცნეზე 30 ივლისს გამოქვეყნდა და ძალაში შევიდა.
