ივანიშვილის რეჟიმი აგრძელებს პოლიტიკურ რეპრესიებს. ამჯერად გამორჩეულად აბსურდული საბაბით ლევან ხაბეიშვილი დააკავეს თვენახევრის წინ გაკეთებულ განცხადებაზე.
თუ არ ჩავთვლით ამ განცხადებაში თანხის საკითხს, მის ზომას, მზად ვარ, მთლიანად შევუერთდე არსებით გზავნილს – ყველა სამართალდამცავი ორგანოს წარმომადგენელი, რომელიც ანტიკონსტიტუციურ უკანონო ბრძანებებს არ დაემორჩილება, ამ რეჟიმის შეცვლის შემდეგ იქნება წახალისებული ამა თუ იმ ფორმით ლეგიტიმურად.
თუმცა, სერიოზული განხილვა სუს-ის ამ განცხადებისა, რაც მოვისმინეთ, სამართლებრივ ჩარჩოში შეუძლებელია. ივანიშვილის რეჟიმი კრიზისშია და ცდილობს ძალის დემონსტრირებას ამის გადასაფარად.
ერთადერთი სწორი პასუხი საზოგადოების, ჩვენი, ყველას, თითოეული ჩვენგანის უნდა იყოს და იქნება პროტესტის გაგრძელება, გაფართოება, მანამ, სანამ ივანიშვილი ძალაუფლების დათმობას არ შეეგუება.
