საოკუპაციო ძალების გენშტაბი ვერ ახდენს ტაქტიკურ გადაჯგუფებას, ომის მეორე ეტაპი მოსამზადებელი ოპერატიული პაუზის გარეშე დაიწყეს ფრონტის გარკვეულ მიმართულებებზე, რეზერვისტთა საყოველთაო მობილიზაციის კოორდინაცია კუს ნაბიჯებით მიმდინარეობს…
საერთაშორისო ურთიერთობების და უსაფრთხოების ექსპერტი, რუსლან შავაძე უკრაინაში არსებულ ვითარებას აანალიზებს.
- პუტინი კიდევ ერთ სტრატეგიულ შეცდომას უშვებს, სრული უნდობლობა ჩამოყალიბდა პუტინის ერთგულ FSB-სა და სამხედრო ელიტას შორის, გენერალიტეტის ჩამოცილება საომარი კამპანიიდან ვერ შექმნის ახალ რეალობას და პირსისხლიანი გენერლების, როგორც დვორნიკოვია ასევე ტიფლინსკი მათი დანიშნვნით საომარი კამპანიიის ძირეულად შეცვლა შეუძლებელია, ის მოითხოვს დროსა და სწორ სამხედრო-პოლიტიკური გადაწყვეტილებების ერთობლივ კომბინაციას, რათა ომის მსველელობაზე გავლენა მოახდინონ, თუმცა პუტინს არა აქვს სრული სურათი თუ რა ხდება საბრძოლო ველზე და იძულებულია სპეცსამხურებს ბრმად ენდოს როგორც მანამდე, ამასთანავე ის აწყობს პროვოკაციებს და ობსტრუქციას საკუთარ მოსახლეობის მიმართ ბელგოროდში, კურსკსა და ბრიანსკის ოლქებში, რათა მასობრივი მობილიზაციას ხელი შეუწყოს, რადგან აღმოსავლეთ უკრაინაში თავმოყრილი სამხედრო კომტიგენტი არ არის საკმარისი მინი ბლიცკრიკისა და ეშელონირებული ფრონტალური შეტევების ეფექტურად წარმოებისათვის:
- 1) დაბალი და საშუალო რგოლის რუსი სამხედრო მომსამსახურე- თანამედროვე ეპოქაში ომში გამარჯვებისათვის მნიშვნელოვანი კომპონენტია პროფესიონალი სამხედრო, ჩვენ დავინახეთ რუსი ჯარისკაცის მორალური ფსიქოლოგიური და საბრძოლო მომზადების დონე ძალზედ დაბალია, მათი “ეფექტურობა”მხოლოდ უკრაინელი მშვიდობიანი მოსახლეობის წინააღმდეგ ჩადენილ გენოციდსა და ომის დანაშაულებში გამოიხატება, შესაბამისად ჯარის სამეთაურო რგოლის ცვლილებით ომის წარმატებით შემოტრიალების ალბათობა ძალზედ მცირეა, რაც არ უნდა მაღალი სამხედრო ინტელექტის მქონე სარდლობა დანიშნო მის მიერ გაცემულ ბრძანებას შესრულება ესაჭიროება ბრძოლის ველზე,რომელთა შესრულება საოკუპაციო ძალების „ჯარისკაცებს“ უფრო და უფრო უჭირთ, რადგან უკრაინის გენშტაბმა სრულიად აუღო ალღო საომარ მოქმედებებს, ამერიკისა და პარტნიორების მიერ მიწოდებული მძიმე შეარაღება პირდაპირ ისახება უკრაინის შეარაღებული ძალების წარმატებაზე, ამას ემატება უკრაინელი ჯარისკაცის ეროვნული სულისკვეთება და მაღალი საბრძოლო მოტივაცია, რუსულ მძარცველთა ჯარს ამ ეტაპისათვის ამერიკელ გენერალთა ცნობილი კასტის წარმომადგენლობის დანიშნვნაც კი ვერ უშველიდა…
- 2) რუსეთის გენშტაბი სამხედრო სტრატეგიას არ ან ვერ ცვლის- ჩვენ ნათლად დავინახეთ რომ ომის მეორე ეტაპი აღმოსავლეთ უკრაინის ჩრდილოეთ მონაკვეთზე უკვე დაიწყო და რუსების პირველი ეშელონი რომელიც ბელგოროდიდან ხარკოვი აღმოსავლეთიდან-იზიუმის მიმართულებით გადაადგილდებოდა სრულიად გაანდგურეს უკრაინის სამხედრო დანაყოფებმა ეფექტური მცირე მობილური კარგად მანევრირებადი ჯგუფებით, შესაბამისად კიდევ ერთხელ ნათლად წარმოჩინდა რომ რუსეთის გენშტაბი არ ცვლის საომარ სტრატეგის და მიდგომებს, რაც ომის პერველ ეტაპზე რუსებისათვის სრული კრახით დამთავრდა…
- საომარი სტრატეგია, ჯარის მართვისა და შეარაღების გამოყენების სპეციფიკა ეფუძნება სამხედრო დოქტრინას, ომის პირველ ეტაპზე რუსების მიერ ნაცადმა თითქოს თანამედროვე ომების სტრატეგიამ, რომელიც მოიცავს დივერსანტების, პროპაგანდის ეფექტურ გამოყენებას, სწრაფი ტემპით მთავარი დიდი ქალაქების დაკავებას, რიცხობროვი და მანერვული მოქმედებების მრავალგანზომილებიან უპირატეოსბის შესაძლებლობას სრული ფიასკო განიცადა(ამის შესახებ ვრცლად წინა პოსტებში დავწერე) , შესაბამისად დაიწყეს მათი ჩვეული სამხედრო დოქტრინის მიხედვით მოქმედება(გერასიმოვის სამხედრო დოქტრინამ, რომელიც 2012 წლიდან შევიდა ძალაში სრული კრახი განიცდა ამიტომაც იმყოფება შიდა პატიმრობაში) რასაც იყენებდა ავღანეთში საქართველოში , ჩეჩნეთში… რომელიც მოიცავს მარტივ პრინციპს მასიურად არტილერიისა და საფრონტო ასევე სტრატეგიული სამხედრო ავიაციით მცირე ტერიტორიაზე მასირებულ დაბომბვას მის დამუშვებას და შემდგომ ტერიტორიის დაკავებას, როგორც ამას მარიუპოლში აკეთებს, რუსმა სხვანაირი ომი არ იცის…
- 3) მოუმზადებლობა ომის მეორე ეტაპისათვის- ომის შესწავლის ამერიკული ინსტიტუტის ცნობით, რუსული ძალები აგრძელებენ ძალების გადაყვანას აღმოსავლეთ უკრაინაში, მაგრამ არ აპირებენ ოპერატიული პაუზის მიღებას. წარმატებული შეტევითი კამპანიის მოსამზადებლად საჭიროა ოპერატიული პაუზის აღება სწორი ტაქტიკური გადაჯგუფება, თუმცა რუსული ჯარები უგულებელყოფენ ამ საკითხს. შესაძლოა საოკუპაციო ძალები ამას ახორციელებენ შემდეგი გარემოებებიდან გამომდინარე: მანევრული გადაადგილებით შექმნან შეტევის იმიტაცია და მცირე სამხედრო კოლონებით უკრაინელთა პოზიცეიბს თავს დაესხან, რათა უკრაინულ არმიას არ მიეცეს შესაძლებლობა დაკავებული ტერიტორიების არეალები გაზარდონ, თუმცა ეს სამხედრო ტაქტიკაც არ გამოსდით რუსებს, ლუჰანსკისა და დონეცკის ტერიოტრიაზე ომის მეორე ეტაპის დაწყებიდან სამხელეთო წინსვლა არ აქვთ, რუსები ცდილობენ შეტევების მიმართულებების შეცვლას თუმცა უკრაინელები ახორციელებენ ეფექტურ კონტრშეტევებს და ქირურგიული სიზუსტით ანადგურებენ რუსულ ჯავშან კოლონებს კორექტირებად საარტილერიო ცეცხლით…
- რუსები ჩქარობენ მიუხედავად იმისა რომ გენერლმა ტიფლინსკი რომელიც დონბასის ოპერატიულ სარდლად დაინიშნა და მისი შეფასებით რუსული არმია არ არის მზად დროის მცირე მონაკვეთში მობილიზებული სამხედრო კონტიგენტით მიაღწიონ წარმატებას, პუტინის უშუალო მითითებით საომარი კამპანია გრძელდება რადგან მას ესაჭიროება 9 მაისისათვის მცირე გამარჯვების იმიტაციის შექმნა თუმცა სწორედ ეს სიჩქარე იქნება მათი კრახის ძირითადი მიზეზი სხვა ფაქტორებთან ერთად…
