ბოჭორიშვილის სახელობის კლინიკის სამეთვალყურეო საბჭოს თავმჯდომარე მაკა სოლოღაშვილმა განაცხადა, რომ კლინიკაში სულ 54 პაციენტი მკურნალობს. აქედან 24-ს აქვს დადასტურებული კორონავირუსი. ერთი პაციენტი გუშინ გაეწერა, ერთი კი ბოლნისის კლასტერიდან დღეს დაემატათ.
მისი თქმით, სასულიერო პირის მდგომარეობა საყურადღებოა.
,,დღეს ბოჭორიშვილის კლინიკაში, ბოქსირებულ სექტორში მკურნალობს 54 პაციენტი. აქედან 1 პაციენტი დაგვემატა ახალი კოვიდდიაგნოზით, 1 გამოჯანმრთელებული პაციენტი უკვე გაეწერა. ახალი პაციენტი არის ქვეყნის შიდა გადაცემა, არის შუახნის ქალბატონი. მისი ჯანმრთელობის მდგომარეობა დამაკმაყოფილებელია. ქალბატონი ბოლნისის კლასტერს მიეკუთვნება და მისი კონტაქტები შესწავლილია. რაც შეეხება დანარჩენ პაციენტებს, ამ ეტაპზე გვყავს ისევ 24 პაციეტი, საიდანაც კიდევ ერთი გამოჯანმრთელება დადასტურდა და ისიც გაეწერება. სასულიერო პირის ჯანმრთელობის მდგომარება ზომიერად დამაკმაყოფილებელია, თუმცა საყურადღებო”,- ამბობს სოლოღაშვილი.
ამ დროისთვის საქართველოში კორონავირუსით ინფიცირების 408 შემთხვევაა დადასტურებული, მათგან 95 გამოჯანმრთელდა, ხოლო 4 გარდაიცვალა.
