ქობულეთის შემოვლით გზაზე ავარიის შედეგად სამი ადამიანი დაშავდა. ერთმანეთს ტრაილერი და სასწრაფო დახმარების მანქანა შეეჯახნენ.
არსებული ინფორმაციით, დაშავებულია სასწრაფოს მძღოლი, ექიმი და პაციენტი.
როგორც შსს-ში განუცხადეს, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის უსაფრთხოების წესების დარღვევით ჯანმრთელობის დაზიანებას გულისხმობს.
