საფრანგეთმა ოფიციალურად აღიარა პალესტინის სახელმწიფო. ამის შესახებ, პრეზიდენტმა ემანუელ მაკრონმა, გაეროში სიტყვით გამოსვლისას განაცხადა.
“დადგა დრო. სწორედ ამიტომ, ჩემი ქვეყნის ისტორიული ერთგულებიდან გამომდინარე ახლო აღმოსავლეთში ისრაელებსა და პალესტინელებს შორის მშვიდობის დამყარების მიმართ, ვაცხადებ, რომ დღეს საფრანგეთი პალესტინის სახელმწიფოს აღიარებს,” – განაცხადა მაკრონმა.
მანამდე, პალესტინის სახელმწიფო ასევე აღიარეს დიდმა ბრიტანეთმა, კანადამ, ავსტრალიამ და პორტუგალიამ.
