ტოკიოს ოლიმპიადაზე საქართველოს ოლიმპიური გუნდის წარმომადგენელ ბენიკ აბრამიანს, დოპინგი დაუდასტურდა. ინფორმაცია ტესტების საერთაშორისო სააგენტომ (ITA) დაადასტურა.
მათი განცხადებით, აბრამიანს 3 აკრძალული სტეროიდი აღმოუჩინეს.
ვითარების საბოლოო გარკვევამდე, საერთაშორისო ოლიმპიური კომიტეტის წესების მიხედვით, გათამაშებიდან მოხსნეს და ახლა წინასწარი დისკვალიფიკაცია აქვს.
აბრამიანს უფლება აქვს, დისკვალიფიკაციის შესახებ გადაწყვეტილება სპორტულ საარბიტრაჟო სასამართლოში (CAS) გაასაჩივროს და B-სინჯის გახსნა მოითხოვოს. მას B ჯგუფში, დაახლოებით 15:40 საათზე უნდა ეასპარეზა. ბირთვის კვრაში ფინალი ტოკიოში 5 აგვისტოს არის დაგეგმილი.
