აშშ-ს სენატორი კრის კუნსი ამ კვირაში საქართველოში კონგრესის დელეგაციის ვიზიტს უხელმძღვანელებს. დელეგაციის შემადგენლობაში არიან სენატორი გარი პიტერსი, შიდა უსაფრთხოებისა და სამთავრობო საქმეთა კომიტეტის თავმჯდომარე, სენატორი ბობ ქეისი, კონგრესმენი სტეფანმერფი, კონგრესვუმენი ქეითლირაისი, კონგრესმენი დევიდსისილინი და კონგრესმენიტედდოიჩი.
- „იმ ფონზე, როცა პუტინი აგრძელებს უკრაინაზე თავდასხმებს, ჩვენი ტრანს-ატლანტიკური ალიანსები ისეთი მნიშვნელოვანია, როგორც არასდროს. პრეზიდენტ ბაიდენის ხელმძღვანელობით ისინი [ალიანსები] უფრო ძლიერები არიან, ვიდრე ოდესმე,” – თქვა სენატორმა კეისიმ.
დელეგაცია შეხვდება აშშ-ის დიპლომატებს, მთავრობის მაღალჩინოსნებსა და სამოქალაქო საზოგადოების ლიდერებს თითოეულ ქვეყანაში, რათა განიხილონ ტრანს-ატლანტიკური ალიანსის მხარდაჭერისა და გაძლიერების მნიშვნელობა, გაამყარონ მძლავრი რეაგირება რუსეთის წინააღმდეგ მის მიერ უკრაინაში გაჩაღებული ომის გამო და განამტკიცონ ევროპული უსაფრთხოება.
- „პუტინის უკრაინაში შეჭრის კვალდაკვალ, ამერიკის ლიდერებისთვის კრიტიკულად მნიშვნელოვანიაევროპელ მოკავშირეებსა და პარტნიორებთანგავიაროთკონსულტაციები, ვაჩვენოთერთიანობადა განვამტკიცოთ ურთიერთობები,” – განაცხადა კონგრესვუმენმა მერფიმ.
- „შეერთებული შტატები წინ უნდა წაუძღვეს გლობალურ გამოწვევებთან გამკლავებასა და ახალი შესაძლებლობების ძიებას, რომელიც დაფუძნებულია დემოკრატიულ ღირებულებებზე. თუმცა, ჩვენ ამას მხოლოდ ჩვენი მეგობრებისა და მოკავშირეების დახმარებით შევძლებთ. მოუთმენლად ველი ამ კრიტიკულ საკითხებზე აშშ-ის მთავარ პარტნიორებთან შეხვედრას” – ამბობს კრის კუნსი.
- „რუსეთის მთავრობის აგრესიამ უკრაინის წინააღმდეგ კიდევ უფრო დაგვარწმუნა ევროპელ მოკავშირეებთან ჩვენი მჭიდრო პარტნიორობის შემდგომი გაძლიერების აუცილებლობაში,” – თქვა სენატორმა პიტერსმა.
