საქართველოში კორონავირუსისგან კიდევ 3 პირი გამოჯანმრთელდა, მთლიანობაში 26 ადამიანი განიკურნა.
ამის შესახებ ინფორმაცია, მთავრობის მიერ შექმნილ ვებ-გვერდზე stopcov.ge-ზე განახლდა.
დღეს დილის მონაცემებით, დადასტურდა კორონავირუსის 13 ახალი შემთხვევა. საქართველოში COVID 19 სულ 130 ადამიანს დაუდგინდა. საკარანტინო რეჟიმში იმყოფება 5 437 პირი, ხოლო სტაციონარში მეთვალყურეობის ქვეშ – 260.
