საჩხერის მუნიციპლიტეტის მერის, ბენიამენ ფალავანდიშვილის მეუღლეს კორონავირუსი დაუდასტურდა.
ფალავანდიშვილის თქმით, მეუღლე საჩხერის სამედიცინო ცენტრში ინფექციონისტად მუშაობს და სავარაუდოდ ინფექცია მას პაციენტისგან გადაედო.
„ანალიზები გუშინ აუღეს. მას ვირუსი მსუბუქი ფორმებით აქვს და განმეორებით ტესტირება ჩაუტარდება. მას ყელის არეში ჰქონდა დისკომფორტი, სხვა სიმპტომები არ აქვს“, – განაცხადა მერმა.
მერის ინფორმაციით, სავარაუდოდ დღეს კორონვირუსზე ტესტს მასაც ჩაუტარებენ, ამჟამად კი ოჯახის წევრები იზოლაციაში არიან.
ფალავანდიშვილი ამბობს, რომ კონტაქტი ჰქონდა მოქალაქებთან, თუმცა რეკომენდაციებს იცავდა.
