საჯარო რეესტრმა პრორუსული, ძალადობრივი ჯგუფის, ალტ-ინფოს პარტია, “კონსერვატიული მოძრაობა” დაარეგისტრირა.
საჯარო რეესტრი საიტზე ვკითხულობთ, რომ გადაწყვეტილება დღეს, 7 დეკემბერს არის მიღებული. პარტიის თავმჯდომარე 5 ივლისის მასობრივი ძალადობის ერთ-ერთი ორგანიზატორი, ზურაბ მახარაძეა, გენერალური მდივანი კი გიორგი ქარდავა.
ცნობისთვის, თავდაპირველად რეესტრმა მათ დოკუმენტები დაუხარვეზა და მათ გამოსასწორებლად 10-დღიანი ვადა მისცა.
შეგახსენებთ, რომ აღნიშნულმა პრორუსულმა ჯგუფმა 5 ივლისს 50-ზე მეტ ჟურნალისტზე იძალადა, მათ შორის, ტვ პირველის ოპერატორ ლექსო ლაშქარავაზე, რომელიც რამდენიმე დღეში გარდაიცვალა. ძალადობრივი აქციის ორგანიზატორები პოლიციას არ დაუკავებია.
