სენაკში ბიზნესმენ თემურ ბიგვავას ოჯახი სამმა ნიღბიანმა დააყაჩაღა. შემთხვევის დროს სახლში 85 წლის ქალი იმყოფებოდა.
არსებული ინფორმაციით, თავდამსხმელებმა ოჯახიდან რამდენიმე ათასი ლარი დანის მუქარით წაიღეს.
თემურ ბიგვავას მეტალოპლასტმასის კარ-ფანჯრების ბიზნესი აქვს. ამ დროისთვის მის საცხოვრებელ სახლში საგამოძიებო მოქმედებები მიმდინარეობს.
შინაგან საქმეთა სამინისტრომ სენაკში მომხდარ ძარცვის ფაქტზე გამოძიება სისხლის სამართლის კოდექსის 178-ე მუხლით დაიწყო, რაც ძარცვას გულისხმობს.
