სვანეთში დაკარგულ 13 წლის ილია ფილფანს უკვე მე-12 დღეა ეძებენ. მოზარდი სახლიდან 18 ივლისს, ველოსიპედით გავიდა და მას შემდეგ უკან არ დაბრუნებულა. სამძებრო სამუშაოებში 80-მდე მაშველი და დრონია ჩართული.
მოზარდს ეძებენ როგორც სვანეთში, ასევე აჭარაშიც. ბავშვის ოჯახი მოსახლეობას დახმარებას სთხოვს.
შეგახსენებთ, რომ მოზარდი 18 ივლისის დღის მეორე ნახევრიდან გაუჩინარდა. სამძებრო სამუშაოებში ჩართულია პოლიცია და მეხანძრე-მაშველები. 13 წლის ბიჭს ეძებენ დრონებითაც. 20 ივლისს სამძებრო სამუშაოებში საგანგებო სიტუაციების მართვის სამსახურის ვერტმფრენიც ჩაერთო.
13 წლის ბიჭის გაუჩინარებაზე გამოძიება143-ე მუხლით დაიწყო, რაც არასრულწლოვნის მიმართ თავისუფლების უკანონო აღკვეთას გულისხმობს წინასწარი შეცნობით.
სტატისტიკური მონაცემებით 2020 წლის იანვრიდან ამ დრომდე ეძებენ 20 ადამიანს, მათ შორის სამი არასრუწლოვანია. 8 გაუჩინარებული კი გარდაცვლილი იპოვეს.
