“სითი მოლი” აფეთქებას გადაურჩა – თბილისი ენერჯი

კომპანია თბილისი ენერჯის განცხადებით, “სითი მოლი” აფეთქებას გადაურჩა.

მათი ინფორმაციით, ცხელ ხაზზე შევიდა შეტყობინება, რომ სავაჭრო ცენტრში ბუნებრივი აირის ძლიერი სუნი იდგა. ადგილზე შესაბამისი სამსახურების მობილიზება მოხდა.

“სითი მოლის” შენობის საფუძვლიანად დათვალიერებისა და შემოწმების შედეგად დადგინდა, რომ სავაჭრო ცენტრ “სითი მოლის” შენობაში, ერთ-ერთ სამზარეულოში ღია მდგომარეობაში იყო დატოვებული გაზქურის 8 სანთურა.

ადგილზე მობილიზებული იყო სახანძრო სამაშველო, სასწრაფო დახმარებისა და პოლიციის ეკიპაჟები. “თბილისი ენერჯის” სპეციალისტებმა უსაფრთხოების მიზნით ობიექტს გაზმომარაგება შეუწყვიტეს.

სითი მოლი აფეთქებას გადაურჩა. ადგილზე საგამოძიებო მოქმედებები მინდინარეობს.