ვებგვერდმა Pornhub –მა ვიდეოების უმრავლესობა წაშალა და ყველა გადაუმოწმებელი ვიდეოს ატვირთვა შეაჩერა იმ დავების ფონზე, რომლებიც მისი კონტენტის უკანონობას ეხება.
მსოფლიოში ერთ–ერთმა უმსხვილესმა საგადამხდელო პროვაიდერმა, Mastercard–მა გასულ კვირას სკანდალის გამო ვებგვერდზე მისი ბარათებით გადახდა აკრძალა.
გამოცემა New York Times–მა ვებგვერდი იმაში დაადანაშაულა, რომ ის არასულწლოვნებზე ძალადობის და გაუპატიურების ვიდეოებით არის “ინფიცირებული“.
პორნჰაბი აცხადებს, რომ მის მიერ მიღებული ახალი ზომები ბევრად უფრო მკაცრია, ვიდრე ნებისმიერი სოციალური ქსელის პლატფორმისა.
ეს ნაბიჯი ნიშნავს, რომ საიტზე მხოლოდ ის ვიდეოები რჩება, რომლებიც კარგად შემოწმებული კონტენტ პარტნიორების მიერ არის ატვირთული და რომლებშიც მათი სამოდელო პროგრამის წევრები მონაწილეობენ.
საიტის კონტენტის დიდი ნაწილი აქამდე თანამეგობრობის გადაუმოწმებელი წევრების მიერ იტვირთებოდა. ახალი პოლიტიკის შედეგად კი საიტიდან მილიონობით ვიდეო წაიშალა.
პორნჰაბი ასევე ამტკიცებს, რომ ის იმ ორგანიზაციების სამიზნეა, რომლებსაც პორნოგრაფიის განადგურება უნდათ და არა მისი არსებითად შეფასება და გაფილტვრა.
Pornhub–ის ბოლო ნაბჯს წინ უძღვოდა პორტალის მცდელობები, გადაეწყვიტა ის დავები, რაც New York Times–ის სტატიას მოჰყვა.
საიტი იტყობინება, რომ “საეჭვო ვიდეოები“ ჯერჯერობით არ წაუშლია და უბრალოდ ონლაინ სივრციდან მოხსნა, სანამ ყველა მათგანი შესაბამის შემოწმებას გაივლის.
ვებგვერდი აცხადებს, რომ მუდმივი მომხმარებლების შემოწმების სისტემას ახალი წლიდან დანერგავს.
“ ეს იმას ნიშნავს, რომ Pornhub–ის ყოველი ვიდეოს დადება მხოლოდ გადამოწმებული მომხმარებლისგან ატვირთვის შემთხვევაში მოხდება, ეს კი სხვა არცერთ პლატფორმას არ აქვს, მათ შორის არც ფეისბუქს, ინსტაგრამს, ტვიტერს და სხვებს“ – ამბობს საიტის წარმომადგენელი.
ჟურნალისტ ნიკოლას კრისტოფერის სტატიაში ნათქვამი იყო, რომ საიტზე იძებნებოდა ათასობით ვიდეო, რომლებშიც არასრულწლოვანი გოგონები მონაწილეობდნენ. მან რამდენიმე გაუპატიურების და სასტიკი მოპყრობის მსხვერპლი გოგოს ისტორიაც მოიყვანა, რომლებმაც ინტერნეტში საკუთარი შეურაცხმყოფელი მდგომარეობის ამსახველი ვიდეოები იპოვნეს.
მანამდე იყო ბიბისი–ს გამოძიება ქალის საქმეზე, რომელმაც აღმოაჩინა ვიდეო, რომელზეც 14 წლის ასაკში მისი გაუპატიურება იყო ასახული.
სტატიაში ჟურნალისტმა დასვა კითხვა, რატომ არ ბლოკავდნენ სოლიდური ბანკები, საძიებო და საბარათე სისტემები პორნჰაბს, რომელიც უკანონო კონტენტით ვაჭრობდა. მაგალითად მან Mastercar მოიყვანა.
Mastercard –მა გამოძიება დაიწყო და მალევე გადაწყვიტა Pornhub–თან ურთიერთობა გაეწყვიტა. მისი ბარათებით საიტზე გადახდა გასული კვირიდან შეუძლებელი გახდა. ანალოგიურ გამოძიებას ატარებს Visa.
ამ ნაბიჯებმა შესაძლოა კომპანიას დიდი დარტყმა მიაყენოს. მართალია, მისი გამოყენება უფასოდაც შეიძლება, მაგრამ საიტი ექსკლუზიურ კონტენტსა და მაღალი ხარისხის ვიდეოში თვიურ სააბონენტოს – 9,9 ფუნტ სტერლინგს იღებს.
ვებგვერდის მფლობელმა კომპანიამ , MindGeek–მა განაცხადა, რომ მათ მიმართ ბრალდებები უსაფუძვლოა და სინამდვილეს არ შეესაბამება, თუმცა მაინც იძულებული გახდა საიტზე მაშტაბური წმენდა დაეწყო.
ბოლო წლიურ ანგარიშში პორნჰაბი აცხადებდა, რომ 2019 წელს მის საიტს 42 მილარდი ნახვა ქონდა და 6.83 მილიონი ვიდეო აიტვირთა.
