სალომე ზურაბიშვილი დღეს, 21:00 საათიდან კომენდანტის საათის გამოცხადებას ეხმიანება და ამბობს, რომ თბილისში სიჩუმე სუფევს, რაც იმას ნიშნავს, რომ დედაქალაქში მოქალაქეები რეკომენდაციებს იცავენ.
ზურაბიშვილის თქმით, ასეთი მოქალაქეობრივი პასუხისმგებლობით დავამარცხებთ ,,კორონასაც და მეტსაც”.
,,9 წუთია გადავედით ახალ მკაცრ რეჟიმზე… სრული სიჩუმე სუფევს… ეტყობა თბილისი #იცავსრეკომენდაციებს!
მეამაყება ეს ჩვენი მოქალაქეობრივი და პასუხისმგებელი ქცევა… ასეთი მოწესრიგებული და კანონმორჩილი მიდგომით დავამარცხებთ კორონასაც და მეტსაც…
#სიფრთხილედაარაშიში” , – წერს სოციალურ ქსელში საქართველოს პრეზიდენტი.
შეგახსენებთ, რომ გუშინ საქართველოში საყოველთაო კარანტინი გამოცხადდა. 21:00 საათიდან დილის 6 საათამდე კომენდანტის საათი მოქმედებს, რაც იმას ნიშნავს, რომ მოქალაქეებს გარეთ გასვლა ეკრძალებათ. წესების დარღვევის შემთხვევაში ფიზიკური პირი 3000 ათასი ლარით, ხოლო იურიდიული პირი 15 ათასი ლარით დაჯარიმდება.
