ირაკლი კობახიძის თქმით, სახელმწიფო უსაფრთხოების სამსახურის უფროსის თანამდებობაზე ანრი ოხანაშვილი დაინიშნება, სუს-ის უფროსი გრიგოლ ლილუაშვილი კი ახლად ჩამოყალიბებული ე.წ რეგიონული განვითარების სამინისტროს მინისტრი იქნება.რეგიონული განვითარების სამინისტრო დამოუიდებელ სამინისტროდ ჩამოყალიბდება.
სახელმწიფო უსაფრთხოების სამსახურის “ხელმძღვანელად” ანრი ოხანაშვილი ინიშნება. ოლიგარქის პარლამენტი ოხანაშვილის დამტკიცებას კენჭს 11 აპრილს უყრის.
“მთავრობამ პარლამენტში უკვე წარადგინა შესაბამისი კანონპროექტი, რომელსაც საქართველოს პარლამენტი 15-18 აპრილს განიხილავს”- თქვა მან.
რაც შეეხება ლილუაშვილს, კობახიძის თქმით, კანონის თანახმად, მას ისედაც აღარ ჰქონდა სუს-ის უფროსის თანამდებობის დაკავების უფლება.
“საქართველოს რეგიონული განვითარების მინისტრის თანამდებობას დაიკავებს ბატონი გრიგოლ ლილუაშვილი. როგორც მოგეხსენებათ, ოქტომბერში ისედაც ტოვებს თანამდებობას, ეწურება უფლებამოსილების ვადა კანონის თანახმად, მას აღარ ჰქონდა თანამდებობის ხელახლა დაკავების უფლება. ბატონმა გრიგოლ ლილუაშვილმა დატოვა სახელმწიფო უსაფრთხოების სამსახურის უფროსის თანამდებობა და კანონის მიღებისთანავე, ის დაიკავებს საქართველოს რეგიონული განვითარების მინისტრის თანამდებობას”- თქვა კობახიძემ.
