“სუს-ტემა უნდა დაინგრეს” – ამ წუთებში, სახელმწიფო უსაფრთხოების სამსახურთან აქცია მიმდინარეობს. ადგილზე შეკრებილები არიან სამოქალაქო აქტივისტები. ისინი თვითმმართველობის არჩევნების გაყალბებასა და უწყების საქმიანობას აპროტესტებენ.
“მოვედით იმ შენობასთან, რადგან აქ იხარშება ყველა ის ბოროტება, რომელსაც ბიძინა ივანიშვილი გეგმავს საკუთარი ქვეყნის და ხალხის წინააღმდეგ. აქ გვართმევენ არჩევნებს, აქედან დაძვრებიან ჩვენს ტელეფონებში და საძინებლებში. აქედან გეგმავენ ყველა იმ სიბინძურეს, რომელმაც დაგვაშორა ევროპულ ორბიტას და მიგვექაჩება რუსეთისკენ. ეს არის საინფორმაციო აქცია იმის გადასახარშად, თუ როგორი ბოროტებაა სუს-ი და როგორ მართავსივანიშვილი სუს-ის დახმარებით ქვეყანას”, – განაცხადა აქტივისტი გიგა მაქარაშვილმა.
