რამდენმე ნავი შეეჯახა ერთმანეთს და ჩაიძირა ტეხასის შტატში მდებარე ტრევისის ტბაში. ინციდენტი ნოემრის საპრეზიდენტო არჩევნებში დონალდ ტრამპის მხარდამჭერი აღლუმის დროს მოხდა. დიდი ტალღები ტბაში სავარაუდოდ ნავების დიდმა რაოდენობამ გამოიწვია, რომლებიც ერთმანეთთან მეტისმეტად ახლოს მოძრაობდნენ. ამას ადასტურებს ფოტო, რომელზეც ჩანს ტრამპის კამპანიის სიმბოლიკიანი ნავები როგორ მანევრირებენ ერთმანეთთან ახლო დისტანციაზე. ინციდენტის შედეგად არავინ დაშავებულა, თუმცა ხალხის ტბიდან ამოყვანა მაშველებს მოუწიათ.
ღონისძიების – Lake Travis Trump Boat Parade ორგანიზება ფეისბუქზე მოხდა. ღონისძიებაზე დასწრების მსურველად სოციალურ ქსეში 2500ზე მეტი ადამიანი დარეგისტრირდა.
ოლქის შერიფის ოფისის განცხადებით ჯერჯერობით არ არსებობს გაზრახ ბოროტი ქმედების არავითარი ნიშანი, თუმცა გამოძიება მაინც დაიწყო. სააგენტო როიტერის ცნობით ჩაიძირა მინიმუმ ოთხი მცურავი საშუალება, სხვა ნავები კი ქვებს შეეჯახნენ.
ადგილობრივი პოლიციის ინფორმაციით ტალღები მაშინ წარმოიქმნა, როცა ყველა ნავმა ერთდროულად დაიწყო მოძრაობა. ოსტინის მეტეოროლოგიურმა სამსახურმა კი დააზუსტა, რომ აღლუმის დროს ამ რაიონში, და შესაბამისად ტბაზე შტორმი არ ყოფილა.
