აშშ–ში კორონავირუსის მსხვერპლი იმაზე მეტი ადამიანი გახდა, ვიდრე ჩინეთში. ბოლო მონაცემებით გარდაცვლილია 3900 ადამიანი. დაავადებულთა რიცხვი 188 000–ს აჭარბებს. გარდაცვლილთა ყველაზე დიდი რაოდენობა იტალიაშია – 12000–ზე მეტი და ესპანეთში – 8400–ზე მეტი, თუმცა ექსპერტები წინასწარმეტყველებენ, რომ აშშ–ში შესაძლოა ეპიდემიის შედეგად 240 000–მდე ადამიანი გარდაიცვალოს. ორშაბათს საღამოს აშშ–ს პრეზიდენტმა პრეს–კონფერენცია ჩაატარა, რომლის განმავლობაში ჟურნალისტებმა მის უკიუდრესად მოღუშულ სახეს მიაქციეს ყურადღება.
მან განაცხადა, რომ ამერიკას მძიმე დღეები ელის და ამისთვის უნდა მოემზადოს. “შემდგომი ორი კვირა ძალიან მტკივნეული იქნება.იმდენად რთული 2-3 კვირა გველის, რომლის მსგავსი შესაძლოა აქამდე არც გვინახავს, ძალიან მძიმე 2 კვირა.“
აშშ–ს პრეზიდენტის ადმინისტრაციის კოორდინატორმა კორონავირუსთან ბრძოლის საკითხებში განაცხადა, რომ კორონავირუსის შედეგად გარდაცვლილთა რაოდენობამ შეიძლება 100-დან 240 ათასამდე შეადგინოს. თუმცა, ტრამპმა დააზუსტა, რომ თუ სახელმწიფო არანაირ ზომებს არ მიიღებდა დაავადებასთან საბრძოლველად, მსხვერპლი შესაძლოა 2.2 მილიონი ამერიკელი გამხდარიყო.
ბრიქსმა ვირუსის ვიზუალური მოდელირება წარმოადგინა და კიდევ ერთხელ განმარტა, რომ სოციალური დისტანცირებით, იზოლაციით და ვირუსის გავრცელების მართვის და ზიანის შემცირების მექანიზმებით სიკვდილიანობა მცირდება 100000 – 200000 მდე. ამ ქმედებების გარეშე კი სიკვდილიანობა ამერიკაში იქნებოდა 1.6 მილიონიდან – 2.2. მილიონამდე.
