აშშ–ს პრეზიდენტმა კვლავ დაადანაშაულა ჩინეთი კორონავირუსის შესახებ ინფორმაციის დამალვაში და მრავალმილიარდიანი კომპენსაციის მოთხოვნა არ გამორიცხა მიყენებული ზარალის გამო. განცხადება ორშაბათს თეთრ სახლში ორღდიანი შესვენების შემდეგ განახლებულ პრესკონფენეციაზე გაკეთდა.
“ჩვენ ჩინეთით არ ვართ კმაყოფილი. უკმაყოფილო ვართ მთელი ამ სიტუაციით, იმიტომ რომ ვთვლით: ეპიდემია შეიძლებოდა სათავეშივე გაჩერებულიყო. მისი სწრაფად შეჩერება შესაძლებელი იყო და არ გავრცელდებოდა მთელ მსოფლიოში“– განაცხადა დონალდ ტრამპმა.
მიმომხილველები შაბათ–კვირას პრეზიდენტის სიჩუმეს იმ უხერხულობით ქმნიან, რაც მისმა ხუთშაბათის განცხადებებმა შექმნა. აშშ–ს პრეზიდენტმა გასულ კვირას ტრადიციულ ყოველღდიურ პრესკონფერენციაზე დასვა კითხვა, რატომ არ შეიძლება ადამიანებს სადეზინფექციო ხსნარი ორგანიზმში შევუყვანოთ. მოგვიანებით თქვა, რომ იხუმრა, თუმცა მის ამ განცხადებას მწვავე რეაქცია მოჰყვა.
აშშ ამ ეტაპზე მსოფლიოში კორონავირუსით ინფიცირებულების რაოდენობით კვლავ პირველ ადგილზეა. ინფიცირებულთა რიცხვმა მილიონს გადააჭარბა, გარდაიცვალა 56000ზე მეტი. ამის მიუხედავად ტრამპმა კვლავ მოუწოდა გუბერნატორებს ეკონომიკური საქმიანობა აღადგინონ რაც შეიძლება სწრაფად, თუმცა უსაფრთხოების ზომების დაცვით. მან ასევე გამოთქვა სურვილი, რომ მოსწავლეები აკადემიური წლის დასრულებამდე სკოლებს დაუბრუნდნენ.
ცნობილი გახდა თეთრი სახლის ინსტრუქციების შესახებ ტესტირებასთან დაკავშირებით. გუბერნატორებს რეკომენდაცია მიეცათ თვეში მოსახლეობის 2.6% გატესტონ.
ნიუ იორკში, რომელიც აშშ–ში ეპიდემიის მთავარ კერად რჩება ჰისპიტალიზებულთა და გარდაცვლილთა რიცხვის შემცირების ტენდენციაა. გუშინ გუბერნატორმა კუომომ მიანიშნა, რომ 15 მაისიდან კარანტინი შეიძლება შტატის გარკვეულ ნაწილებში გაგრძელდეს.
პარალელურად კი მთელ ქვეყანაში რესტორნები იხსნება. თუმცა პერსონალი ნიღბებს ატარებს, კლიენტების ტემპერატურას ამოწმებს და ერთჯერად ჭურჭელს იყენებს.
