უკრაინამ პირველად მიიტანა სარაკეტო იერიში ბრიტანული Storm Shadow-ს ფრთოსანი რაკეტებით რუსეთის ტერიტორიაზე, კერძოდ კურსკის რეგიონზე. შესაბამის ინფორმაციას Bloomberg ანონიმურ დასავლურ წყაროზე დაყრდნობით ავრცელებს.დიდმა ბრიტანეთმა უკრაინას ნება დართო, რუსეთის წინააღმდეგ ბრიტანული წარმოების შორი რადიუსის რაკეტები გამოიყენოს. მიზეზად რუსეთის მიერ კურსკის ოლქში ჩრდილოკორეელი ჯარისკაცებისგან შემდგარი ბატალიონების განლაგება სახელდება.
მას შემდეგ, რაც 17 ნოემბერს NYT-მა გაავრცელა ინფორმაცია, რომ ჯო ბაიდენმა უკრაინას შორი რადიუსის რაკეტების რუსეთის ტერიტორიაზე გამოყენების უფლება მისცა, 19 ნოემბერს, უკრაინამ პირველად განახორციელა ATACMS-ის რაკეტებით წარმატებული იერიში რუსეთის ტერიტორიაზე.
Storm Shadow – ფრანგულ-ბრიტანული “ჰაერი-მიწის“ ტიპის ავიაციური ფრთოსანი რაკეტაა. მოქმედების არეალი 500 კმ-მდეა, თუმცა საექსპორტო ვერსია – SCALP EG, 250-300კმ-ზე მოქმედებს. ეს ცოტა ნაკლებია, ვიდრე ამერიკული ATACMS-ის მოქმედების არეალი. Storm Shadow-ის გამოყენება შესაძლებელია დღე-ღამის ნებისმიერ მონაკვეთში და რთულ მეტეო პირობებშიც.
