“გუშინ ივანიშვილის ერთ-ერთმა წარმომადგენელმა ინტერვიუში თქვა, დიდი ამბავი თუ აქ ათრიეს, უკრაინაშიც ხომ ათრიეს თმებითო.
ეტყობა ამბები არ მოდის – უკრაინის სასაზღვრო ძალების მაღალჩინოსანი, რომელმაც ჩემს წინააღმდეგ ძალა გამოიყენა, ახლა “წამებისთვის და არაადამიანური მოპყრობისთვის” სამართლდება უკრაინის ბორისპოლის რაიონის სასამართლოს მიერ და ხანგრძლივი პატიმრობა ელოდება.
ეს ისე, მაინც გაითვალისწინეთ…”
ასე ეხმიანება მიხეილ სააკაშვილი ირაკლი კობახიძის განცხადებას, რომელმაც ექსპრეზიდენტის კადრების გამოქვეყნებაზე თქვა, რომ საზოგადოებას ის უკრაინაში უარეს მდგომარეობაში ჰყავთ ნანახი – “უკრაინელმა სამართალდამცველმა კარლოსონივით თმებით ათრია”.
