უკრაინაში მიმდინარე რუსული აგრესიის შედეგად, ცხოველთა 80-ზე მეტი სახეობა გადაშენების პირას აღმოჩნდა
როგორც მოძრაობა UAnimals-ის წარმომადგენლებმა განაცხადეს: „ჩვენს ქვეყანაში 80-ზე მეტი სახეობის ცხოველი გადაშენების პირასაა და რუსული აგრესიის გამო მათ შესაძლოა სრულიად შეწყვიტოს არსებობა. დამპყრობლები მიზანმიმართულად ებრძვიან ბუნებას : პარკებს, ზოოპარკებს და თავშესაფრებს. ომის დროს უკვე მოკლულია 10 მილიონზე მეტი ცხოველი“.
აქტივისტების თქმით, რაშისტებმა სრულმასშტაბიანი შემოჭრის დროს დაიკავეს 8 ნაკრძალი და 12 ეროვნული პარკი. ხოლო მტრის დარტყმის შედეგად დაიწვა 23286 ჰექტარი ტყე. მათ აღდგენას დაახლოებით 10 წელი დასჭირდება. იგივე ეხება ნიადაგს: 182 880 კვადრატული მეტრი მიწა დაბინძურებულია მავნე ნივთიერებებით, რაც უარყოფითად მოქმედებს ცხოველებზე და ბუნებაზე.
ომის შედეგადდაზიანდა ცხოველების, ჰაბიტატი – გეოგრაფიული არეალი, სადაც თითოეული მათგანი ცხოვრობს, შოულობს საკვებს, მრავლდება, იზრდება და ვითარდება. პრობლემაზე ყურადღების გასამახვილებლად, UAnimals-ის აქტივისტებმა გამოიყენეს ხელოვნური ინტელექტი და შექმნეს იმ ცხოველების ფოტოები რომლებიც უკრაინაში გადაშენების პირას არიან. სურათებზე გამოსახულია ფოცხვერი, ბიზონი, ყავისფერი დათვი, შავი ღერო და ა.შ.
ომის გავლენა ცხოველებზე:
უკრაინის პრეზიდენტის ვოლოდიმირ ზელენსკის განცხადებით, რუსეთმა ქვეყანაში ეკოციდი ჩაიდინა. დაიღუპა ექვსი მილიონი შინაური ცხოველი, განადგურდა მინიმუმ 50 ათასი დელფინი და დაიწვა ათასობით ჰექტარი ტყე.
ხერსონის რაიონის განთავისუფლების დროს აღმოჩნდა, რომ ოკუპანტებს შორის არიან ”სიცოცხლის მჭამელები”. რაშისტების მიტოვებულ პოზიციებზე სასტიკად მოკლული ცხოველების ცხედრები იპოვეს. მათ შორის იყვნენ რუხი ზაზუნები, რომლებიც წითელ წიგნში არიან შეყვანინლი.
Energoatom იტყობინება, რომ ცხოველები იტანჯებიან ოკუპანტების ქმედებების გამო. ბოლო სამი თვის განმავლობაში ატომური ელექტროსადგურის პერიმეტრზე დაგებულ ნაღმებზე ძაღლების, მელიებისა და გარეული ღორის სულ მცირე 30 აფეთქება დაფიქსირდა.
