რუსეთი და უკრაინა შეთანხმდნენ, რომ კიევი შავი ზღვის პორტებიდან ხორბლის გატანას შეძლებს. ინფორმაციას ამის შესახებ თურქეთი ავრცელებს. თურქეთი გაეროსთან ერთად, მოსკოვსა და კიევს შორის მოლაპარაკებებში შუამავლის როლს ასრულებდა.
აღნიშნული შეთანხმების ფარგლებში, უკრაინა დაახლოებით 20 მილიონი ტონა მარცვლეულის ექსპორტზე გატანას შეძლებს.
მხარეებმა ხელშეკრულებებს ხელი ცალ-ცალკე მოაწერეს. დოკუმენტს ხელი ჯერ, თავდაცვის მინისტრმა სერგეი შოიგუმ მოაწერა ხოლო შემდეგ, უკრაინის ინფრასტრუქტურის სამინისტროს ხელმძღვანელმა ალექსანდრე კუბრაკოვმა.
გაეროს გენერალურმა მდივანმა, ანტონიო გუტერეშმა ამ შეთანხმებას, ომში “იმედის შუქურაა” უწოდა.
რუსეთი და უკრაინა მსოფლიოში ხორბლის უმსხვილეს ექსპორტიორები არიან.
უკრაინაში მიმდინარე ომის გამო, უკრაინა აქამდე შავი ზღვით ხორბლის გატანას ვერ ახერხებდა. უკრაინა რუსეთს ოკუპირებული ტერიტორიებიდან დიდი რაოდენობით მარცვლეულის მოპარვაში სდებს ბრალს.
