აზოვის პოლკის ყოფილი მეთაური მაქსიმ ჟორინი ამბობს, რომ მარიუპოლის დებლოკადის დიპლომატიური გზის გარდა, უკრაინელი სამხედროები ქალაქის განბლოკვის სამხედრო გეგმის მომზადებაზეც მუშაობენ.
მისი ცნობით, ეს სამუშაო მიმდინარეობს უკრაინის შეიარაღებული ძალების ხელმძღვანელობასთან ერთად.
ჟორინის შეფასებით, პირველ თვე-ნახევარში აბსოლუტურად რეალური იყო მარიუპოლის სამხედრო დებლოკადა, რადგან ეს პროცესი შედარებით მცირე ძალებით იყო შესაძლებელი. მისი თქმით, ასობით მოხალისემ გამოთქვა მზადყოფნა დებლოკადაზე წასულიყო, მიუხედავად ოპერაციის სირთულისა.
“დიპლომატიური პროცესის გარდა, პარალელურად მიმდინარეობს მზადება ქალაქის სამხედრო დებლოკადისთვის. ეს შეიძლება იყოს რამდენიმე ეტაპიანი გათავისუფლებული ქალაქებიდან გადაჯგუფებით”,– განაცხადა ჟორინმა 24-ე არხთან ინტერვიუში.
